Goeiejûn en fan herten wolkom op myn webside. Ik bin Monique Reitsema en haw in praktyk foar psychososjale terapy yn Ljouwert, Drachten en Burdaard.

Do bist op dizze side telâne kaam, omdatst help sikest of út ynteresse. Miskien sitst net lekker yn dyn fel; pikerest of wrakselest mei fragen of problemen op dyn wurk, privee of yn dyn relaasje. It kin wêze dat der wat bard is, in feroaring wêrtroch’tst fernimst datst net mear dysels bist. Datst dy ôffregest: hoe no fierder? Op dizze webside sil ik útlizze watfoar help ik dy biede kin om wer foarút te kinnen en folop te genietsjen fan it libben!

Oer de earste drompel bist al hinne

De earste stap is setten... do sikest help. Help freegje freget moed om ta te jaan dat it allinnich efkes net slagget. Psychologyske help freegje is miskien noch wol dreger: “Ik bin dochs net gek?” tinkst miskien. Nee, seker net! Do hast krekt lef om dyn situaasje oan te pakken en ien te sykjen om mei te sparren. Hoe dapper is dat!

Psychososjale terapy rjochtet him op dyn mentale sûnens. Dy is like wichtich as dyn lichaamlike sûnens. Dyn mentale sûnens kin út balâns reitsje troch klachten, lykas somberens, depressive gefoelens, ûnwissens, eangst, relaasjeproblemen of stress. Mentale problemen binne soms bêst dreech, want kinst se fan de bûtenkant net sjen.

Ik sjoch tegearre mei dy nei djipper lizzende blokkades dy't derfoar soargje datst dy sa min fielst. Dêrby brûke wy ferskate metoaden om nei dyn helpfraach te sjen. Soms út it ‘tinken’wei - de saneamd kognitive oanpak - en soms mei metodiken dy't mear op gefoelens ynspylje. Tegearre ûndersykje wy watfoar oanpak it bêste by dy past.

Lês hjir mear oer myn wurkwize en behannelmetoaden. Ik bin derfan oertsjûge datst sels ynsjoch krijst en de goede hânfetten fine kinst om dyn probleem te trochbrekken. Ik begelied dy dêr graach by!

Do bist fan herten wolkom

Hast noch fragen of wolst mear witte? Nim gerêst kontakt op troch te beljen of te mailen. Ik kin dy mear fertelle oer myn wurkwize. As it goed foar dy fielt, kinne wy in ôfspraak meitsje om tegearre oan de slach te gean. Do hast foar myn help gjin ferwiisbrief nedich en meastal kinst op koarte termyn by my terjochte.

- Monique Reitsema

Laatste site update: 22-11-2025